دوشنبه ۱۱ شهریور ۱۳۹۸ - ۱۳:۳۶
کد خبر55828

تبریز اسلامی شوراسینین رئیسی:
همشهری لرین رضایتینی قازانماق شورانین ریاست هئیتینین هدفی دیر

یکصد و سی و ششمین جلسه شورای اسلامی تبریز

تبریز اسلامی شوراسینین رئیسی، بو شورانین کئچمیش رئیسی اولان شکور اکبرنژادین ریاست مدتینده چکدیی زحمت لردن تقدیر ائتدی.

شهرام  دبیری، شورانین سون جلسه سینده، شورا رئیسی سئچیلدیکدن سونرا شکور اکبرنژاد حاقیندا دئدی: شکور اکبرنژاد ممتاز اخلاقی خصوصیت لره مالت اولان بیر انسان دیر. اونلار ایکی ایل سعه ی صدر ایله شورا جلسه لرین اداره ائدیب لر و بو ایش تقدیره لایق بیر ایشدیر.

او دئدی: بلدیه ده نظم و انضباط یاراتماق اوچون اول اوزوموزده و شورانین جلسه لرینده نظم و انضباط یارتمالییق.

تبریز اسلامی شوراسینین رئیسی دئدی: بیر ایندی 12 ایلیک آماج واریمیزدیر و بو چرچیوه ده تبریزین 5 ایللیک پلانی ترتیب وئریلیب و بونون تحقق تاپماسی اوچون چالیشمالییق.

او همشهری لرین شورا و بلدیه دن راضی قالماغی، شورانین هئیت رئیسه سینین هدف و آماجی بیلیب آرتیردی: شورانین هدف لرینه چاتماسی اوچون وحدت و بیرلیک ایله بیر بیریمیز ایله چالیشمالییق.

ارسال نظر

شما در حال ارسال پاسخ به نظر « » می‌باشید.
4 + 4 =