شنبه ۹ شهریور ۱۳۹۸ - ۱۰:۵۶
کد خبر55778

تبریز بلدیه رئیسینین قائم مقامی:
تبریزین تاریخی یئرلری گله جک نسل لر اوچون بیزیم الیمیزده بیر امانت دیر

اجلاسیه اوراسیا

تبریز بلدیه رئیسینین قائم مقامی دئدی: تبریزین تاریخی یئرلری بیریم الیمیزده بیر امانت دیر و بیز بو امانتی گله جک نسل لر اوچون قورویوب ساخلامالییق.

رسول موسایی شهر توسعه و انکشافی مراسمینین آچیلیش مراسمینده دئدی: تبریز شهرینین بیر بویوک قسمتی تاریخی قسمت دیر و بو منطقه لرده چوخ ساییدا تاریخی بنالار یئرلشیب. حقیقتا ده بو یئرلر بیزیم واقعی ملی سرمایه لریمیزدیرلر.

او دئدی: تاریخی یئرلرین قورونوب ساخلانماسینین اهمیتی، شورا و بلدیه نی تاریخی یئرلرین قورونماسینی آماجلایان اونونجو اوراسیا شهرلرین توسعه و انکشاف اجلاسینین ائو صاحیبی اولماسینا داها دا ماراقلاندیردی.

بلدیه رئیسینین قائم مقامی دئدی: کئچمیش یئددی گونده بو اجلاس دا اشتراک ائدن لر تبریزین تاریخی مکان لاریندان تخصصی و میدانی گوروش لر آپاریبلار و بو گوروشلرین نتیجه لری سون ایکی گونده اینجه لنه جک دیر.

موسایی بو اجلاس دا اون اولکه نین متخصص لرینین حضورونا دئیینه رک آرتیردی: بیز تاریخی بنالاریمیزی ساخلاماق اوچون بو 10 اولکه نین تجربه لریندن فایدالانماغا چالیشاجاغیق.

ارسال نظر

شما در حال ارسال پاسخ به نظر « » می‌باشید.
4 + 3 =