چهارشنبه ۶ شهریور ۱۳۹۸ - ۰۷:۵۶
کد خبر55739

تبریز اسلامی شوراسینین عضوو:
فوتبال موزه سی، آذربایجان فوتبالینین کیملیک و هویتینین نشانه سی دیر

شهرام دبیری

تبریز اسلامی شوراسینین عضوو دئدی: فوتبال موزه سی تبریز اوچون بیر ضرورت ایدی و بو ضرورتین یوخلوغو تبریز بلدیه سی الی ایله آرادان گوتورولدو.

شهرام دبیری آذربایجان فوتبال موزه سینین آچیلیش مراسمینده دئدی: بو گوندن بئله بو موزه توریست لر و فوتبال سئون لرین خدمتینده اولاجاق دیر.

او تبریزین اولکه ده فوتبال قطبی اولدوغونا اشاره ائدرک دئدی: یاخین ایللرده تبریز شهرین ده فوتبال چوخ توسعه و انکشاف تاپیب دیر و بو  مسئله هامیمیز اوچون سئویندیریجی دیر. یقین نئچه ایل سونرا تبریز یئنه ده اولکه نین اهمیت لی بیر فوتبال قطبونا چئوریله جک دیر.

شورانین مدنی اجتماعی کمیسیونونون رئیسی دئدی: بو موزه نین برپاسی تبریز اوچون بیر ضرورت ایدی. دونیانین بوتون اعتبارلی فوتبال کلوب لاری اصلی استادیوم لارینین یانیندا اختصاصی موزه بینا لاری دا تیکمیش لر.

دبیری دئدی: تبریز ده قدیمی تیم لرین اولدوغو حالدا بئله بیر موزه نین یئری بوش گورونوردو. آنجاق بلدیه نین همتی ایله بو مسئله ده رفع اولدو.

ارسال نظر

شما در حال ارسال پاسخ به نظر « » می‌باشید.
4 + 1 =