پنجشنبه ۳۱ مرداد ۱۳۹۸ - ۱۳:۴۶
کد خبر55668

تبریز آفریقالی توریست لرین مقصدینه چئوریله بیلر

79837.jpg

تبریز بلدیه رئیسی دئدی: تبریز ایله جنوبی آفریقانین ارتباط و علاقه لرینین چوخالماسی ایله، بو شهر آفریقالی توریست لره یئنی توریستی مقصد اولابیلر.

ایرج شهین باهر، «ویکامازوری کومالو» جنوبی آفریقانین اولکه میزده کی سفیری ایله گوروشده، دئدی: تبریزین تاریخی، مدنی و اقلیمی شرایطی بو شهری آفریقالی توریست لر اوچون بیر مقصده چئویره بیلر.

بلدیه رئیسی، بلدیه نین تبریز ایله جنوبی آفریقا آرسیندا توریسمی توسعه وئرمک اوچون لازم اولان بوتون اساسی شرایطی برپا ائتمه یه حاضر اولماسینی دئییب آرتیردی: تبریز ایران و جنوبی آفریقا اولکه لرینینین توریستی محورینه چئوریله بیلر.

ایرج شهی باهر دئدی: بیزیم اقتصادی و فرهنگی رابطه لریمیز تقویت ائدیلیرسه،  بو ایش ممکن اولابیلر.

او تبریزین اقتصادی شرایطی حاقدا دئدی: تبریز ال صنعت لرینده انحصاری تولید لری اولان بیر شهر دیر و بو شهر دونیانی خالچا و فرش پایتختی سئچیلیب.

ارسال نظر

شما در حال ارسال پاسخ به نظر « » می‌باشید.
1 + 7 =