چهارشنبه ۳۰ مرداد ۱۳۹۸ - ۱۱:۴۵
کد خبر55632

فوتبال موزه سی 19نجو لیگ باشلایان گون آچیلاجاق

شهردار تبریز

اولکه نین سوپرلیگ فوتبال رقابت لرینین باشلانیشی ایله بیر گونده ایرانین بیرینجی تخصصی فوتبال موزه سی تازا یئرده آچیلاجاق دیر.

ایرج شهین باهر بو خبری اعلام دئییب آرتیردی: «آذربایجان فوتبال موزه سی» یعنی ایرانین بیرینجی فوتبال موزه سینده 102 ایل بوندان اولدن اویویچولار و تیم لرین شکیل لری، مختلف سند لر و فوتبالچی لارا عاید اولان وسیله لر مداللار و کاپ لار سرگی لنه جک دیر.

او دئدی: بو موزه 3 مرتبه لی بر بینادا یئرلشیب ، بو موزه ده تاریخی عکس لر و سند لر، فوتبال حاقیندا معلومات لار، تبریزین قدیمی فوتبالچی لاریندان عکس و شکیل لر یئرلشیب. موزه ده یئرلشن ان قدیم سند ایسه 1296 یا عاید اولان بیر سند دیر.

تبریز بلدیه رئیسی سؤزلرینین داوامیندا آرتیردی: بو موزه نین تیکینتی سی نین 90% قورتاریب دیر و اومید ائدیریک 19نجو فوتبال لیگ مسابقه لری نین باشلانیشی ایله بیر گون ده افتتاح اولونسون.

ایرج شهین باهر موزه نین یئنی بیناسی حاقیندا دئدی: موزه نین تازا بیناسی 29 بهمن بلواری و بلدیه نین ایکینجی منطقه سینده دیر. بو یئر فوتبال سئون لر اوچون داها راحات و ال وئریشلی بیر یئردیر و گوز قاباغیندادیر.

فوتبال موزه سی 1393نجو ایلده امام (ره) شهرکینین بانوان پارکیندا قورولموشدو. آنجاق یئرینین مناسب شرایط ده اولمادیغی اوچون بو موزه دن او قدر استقبال اولونمادی. موزه نین یئنی یئرینه تبریزین مختلف منطقه لریندن داها راحات گئتمک ممکن دیر.

ارسال نظر

شما در حال ارسال پاسخ به نظر « » می‌باشید.
2 + 5 =