دوشنبه ۲۴ تیر ۱۳۹۸ - ۱۴:۰۹
کد خبر55086

تبریز اسلامی شوراسینین عضوو:
مترونون بودجه تامین ائدیلیمه سی بیر ضرورت دیر

دکتر دبیری

تبریز اسلامی شوراسینین عضوو، مترو پروژه سینه بودجه تامین ائتمه یی بیر ضرورت بیلدی.

شهرام دبیری دئدی: مشارکت ورقه لرینین ساتیلماماسینی نظرده آلاراق، بو پروژه نین دایاندیریلماماسی اوچون، ایکی آی اوچون تبریز متروسونون بودجه سی تامین اولونمالی دیر.

دبیری مترو پروژه سینین دایاندیریلماسی احتمالی نی خاطیرلاداراق دئدی: تبریز متروسونون بیرینجی خطی اوچون 600 میلیارد تومن مشارکت ورقه لری ساتیشا چیخاردیلمیشدی. آنجاق بو مشارکت ورقه لرینین ساتیشی بیر ایکی آی سوره جه یی احتمال اولونور.

اودئدی: پروژه یه پول و اعتبار وئریلمه سه، پروژه دایاندیریلاجاق و پروژه دایاندیقدان سونرا یئنی دن باشماغا قدر ده زامان الدن گئدیب، و بئله بیر وضعیت ده، بو ایلین سونونا قدر پروژه قورتارا بیلمز.

ارسال نظر

شما در حال ارسال پاسخ به نظر « » می‌باشید.
1 + 10 =