دوشنبه ۲ اردیبهشت ۱۳۹۸ - ۱۰:۱۲
کد خبر53781

بلدیه رئیسی تلویزیونون «گئجه لر» وئرلیشینده خبر وئردی:
تبریز متروسونون بیرینجی خطی 98 نجی ایلده تماملاناجاق

75236.jpg

تبریز بلدیه رئیسی دئدی: 98 نجی ایلین سونونا قدر تبریز متروسونون بیرینجی خطی تماملاناجاقدیر.

ایرج شهین باهر تلویزیونون «گئجه لر» وئرلیشینده دئدی: بو ایلین سونونا قدر تبریز مترو سو لاله دوراغینا چاتاجاقدیر و بونونلا برابر ایکینجی خطین ده یاریسین قورتارماغا چالیشاجاییق.

باهر دئدی: تبریز متروسونون ایکینجی خطینین یاریسینین قورتارماسی ایله تبریز مختلف منطقه لرینده یاشایان همشهری لر تبریز متروسوندان داها آرتیق فایدالاناجاقلار.

تبریز بلدیه رئیسی دئدی: هر گون یئرین آلتیندا و تبریز متروسونون مختلف منطقه لرینده 1500 نفر مترونون تکمیللشدیرمه سی اوچون چالیشیر. بو چالیشانلارین 300 نفری متخصص و 1200 نفری ایسه ایشچی دیرلر.

ایرج شهین باهر مترو عملیاتینین یئر آلتیندا آپاریلماسی دلیلینه گوره همشهری لرین مترو دا گورولن ایشلردن خبرسیز اولدوغونو دئییب آرتیردی: ایندی هر بیر کیلومتر مترو خطی اوچون 220 میلیارد تومن پول خرجله نیر و بو نئچه آی ایچینده کی باهالیق لاردان دا مترو پروژه سینین هزینه لری چوخالیب دیر.

تبریز بلدیه رئیسی دئدی: کئچن ایل باشقا شهرلرین عکسینه تبریز مترو پروژه سینین احداثیندا تعطیل گونوموز اولمادی و ایندی ده بو پروژه بیرینجی و ایکینجی خط ده ایشله نیلیر. آنجاق ایشلرین ترتیب و سرعت له قاباغا گئتمه سی اوچون داها آرتیق مالی اعتبار و زمان لازیم دیر.

ارسال نظر

شما در حال ارسال پاسخ به نظر « » می‌باشید.
2 + 0 =