سه‌شنبه ۲۳ بهمن ۱۳۹۷ - ۰۹:۰۲
کد خبر52325

تبریز بلدیه رئیسی:
40 یاشیندالیق، تجربه و کمال صاحبی اولماق ایللرینین باشلانیشی دیر

69360.jpg

تبریز بلدیه رئیسی انقلابین قیرخینجی ایله آیاق قویماسین، اونون تجربه، کمال و پیشگین لیگ دورانینا گیرمه سینین باشلانیشی بیلدیب، آرتیردی: بوندان بئله ترقی و انکشاف نردیوانلارینی بیر بیر آددیملایاجاییق.

مهندس ایرج شهین باهر 22 بهمن تظاهراتی مراسمینین اثناسیندا دئدی: تبریزین انقلابی اهالی سی بو ایل کئچمیش ایللردن داها چوخ، تظاهرات دا اشتراک ائدیب و امام خمینی (ره) آرمانلاری، اسلامی انقلاب و معظم رهبریمیزله بیعت اوچون حاضر اولدولار.

بلدیه رئیسی سوزلرینین دوامیندا، بلدیه عایله سینین بو تظاهرات دا حاضر اولماسینا اشاره ائده رک، 22تظاهرات دا بلدیه عایله سینین حضور تاپماسیندان تقدیر ائدیب آرتیردی: بلدیه ایشچی لری معظم رهبریمیزین بویوروق لارینین آردیندان بوگون بوتون عایله لری ایله برابر ساعات قاباغیندان نماز مئیدانا قدر تظاهرات دا اشتراک ائتدیلر.

مهندس ایرج شهین باهر دئدی: اللهین لطفی ایله بوندان بئله داها چوخ سرعتله ترقی و انکشاف نردیوان لارینی آددیملاییب و توسعه و انکشافا چاتاجاییق.

تبریز بلدیه رئیسی سوزلرینین سونوندا، شهرین خیاوانلاریندا یارانان گوزل فضالار و تبلیغات لارا گؤره، تبریز بلدیه نین اجتماعی رابطه لر و بین الملل علاقه لر اداره سی و منطقه لرین عمومی علاقه لر بؤلومولریندن تقدیر ائتدی.

ارسال نظر

شما در حال ارسال پاسخ به نظر « » می‌باشید.
1 + 7 =