دوشنبه ۸ بهمن ۱۳۹۷ - ۱۳:۴۳
کد خبر51989

تبریز بلدیه رئیسی:
همشهری لرین همکارلیق و ایش بیرلیگی اولمادان، پروژه لر مطلوب نتیجه یه یئتیشمز

شهین باهر

تبریز بلدیه رئیسی دئدی: بلدیه، یاشاییش چئوره سی اوچون چالیشان ان. جی. او. لار ایله امکداشلیق و ایش بیرلیگی آپارماق اوچون حاضردی.

مهندس ایرج شهین باهر یاشاییش چئوره سی و طبیعی منبع لر ساحه سینده چالیشان ان. جی. او لار شوراسینین عضولری ایله گوروشده دئدی: تبریز بوتون ساحه لرده اولکه نین باشقا شهرلریندن قاباقدا حرکت ائدیر.

تبریز بلدیه رئیسی دئدی: بوگون همشهری لر و مسئوللارین ایش بیرلیگی و همتینین نتیجه سینده تبریزده متجاهر معتاد و متجاهر دیلنچی یوخدور. بو مسئله ایسه اولکه نین بلکه دونیا نین بوتون توسعه تاپمیش شهرلرینده تایسیزدیر.

او، شهرین اداره سینده همشهری لرین مشارکت و ایش بیرلیگینی اهمیت لی بیلیب آرتیردی: هامیمیز، همشهری لرین شهر اداره سینده مشارکت ائتمه سی اوچون چالیشمالییق.

تبریز بلدیه رئیسی دئدی: همشهری لرین همکارلیق و ایش بیرلیگی اولمادان، شهریمیزده ایشله نیلن پروژه لر مطلوب نتیجه یه یئتیشمز. بیز اهالی نین مسئله لر و چتین لیک لرینی آرادان قالدیرماق اوچون عملیاتی و اجرایی فازدا حرکت ائتمه لییک.

ارسال نظر

شما در حال ارسال پاسخ به نظر « » می‌باشید.
1 + 2 =