دوشنبه ۱۰ دی ۱۳۹۷ - ۱۲:۲۰
کد خبر51512

تبریز بلدیه رئیسی:
بلدیه باشقا تشکیلات لاردان داها آرتیق یاشیل ساحه لرین قیدینه قالیر

66881.jpg

تبریز بلدیه رئیسی دئدی: 20 ایللیک بیر آغاجین بؤیومه سی اوچون نئچه میلیون تومن پول خرجله نیر و بو آغاجلارین مناسب شرایط ده ساخلانیلماسی شهرداری نین دغدغه سی دیر.

ایرج شهین باهر، تبریز اسلامی شوراسینین جلسه سینده دئدی: یاشیل ساحه سینده اوز وئرن بوتون ایش لر، یاشیل ساحه لرین ساخلانما و توسعه کمیسیونو چرچیوه سینده اداره اولونور و یاخین گونلرده اوز وئرن آغاجلارین کسیلمه سی ایسه قانونلار چرچیوه سینده اولور.

بلدیه رئیسی دئدی: بلدیه یاشیل ساحه لر و آغاجلارین متولی سی دیر و طبیعی دیر کی باشقا تشکیلات لاردان داها آرتیق یاشیل ساحه لرین قئیدینه قالسین.

شهرین باهر آرتیردی: بعضی لر هر دلیل و ندنه گوره بلدیه نین آغاج کسمک و یاشیل ساحه لری آرادان آپارماق آرخاسیندا اولماسینی دئییرلر.

بلدیه رئیسی دئدی: کئچمیش لرده اوز وئرن بیر سیرا حادقه لر همشهری لرین بلدیه لره گوره انتقادی باخیشینین اولماسینا ندن اولوب. حال بو کی ائله بیر بو ایل ده 20 پارک احداث ائدیب و ائله گلن ایل ده تبریز بؤیوک پارکی، باغشمال پارکی و یاشیل ساحه لرین داها آرتیق توسعه سینی اوز پلانلاریمیزدا گتیرمیشیک.

ارسال نظر

شما در حال ارسال پاسخ به نظر « » می‌باشید.
9 + 2 =